Masobra tunga sang national budget ang na-release na sa mga ahensya sang gobyerno.
Base sa government data, nagdangat sa P2.81 trillion ang allotment release sang nagligad nga Enero — 56.1 percent sa P5.02-trillion budget para sa 2022 — base sa Department of Budget and Management figures.
Ang nasambit nga kantidad ang mas mataas ipaanggid sa programmed budget nga P2.62 trillion.
P2.38 trillion ang nabaton sang line department nga nagalakip sang pondo para sa mga ahensya sang gobyerno kag iban nga constitutional offices.
Kabug-usan naman nga P90.16 billion ang nagkadto sa special purpose funds (SPFs) nga amo ang budgetary allocations sa idalom sang General Appropriations Act para sa socioeconomic reasons.
Ginapain man ang SPFs sa financial assistance para sa government corporations, distribution sa local government, contingencies, miscellaneous personnel benefits kag national catastrophe risk mitigation and management kalakip na sa pension kag gratuity payments.
