Ginapreparar na sang Iloilo City – Commission on Elections (Comelec) ang posting sang voters list kag voting precincts para sa May 9, 2022 elections.
Sa interview sang Bombo Radyo kay Mr. Jonathan Sayno, Election Assistant II sang Comelec Iloilo City, iya ginpahayag nga sa tion nga makompleto na ang pag-identify sa mga voting precincts sa syudad, sunod nga i-post diri ang lista sang pangalan sang mga botante agud mapahibalo na ang mga ini kun sa diin sila maboto.
Gin-ako ni Sayno nga madamo sila sang gindugang nga voting precincts bangud ginpanubuan ang kapasidad sang mga botante sa kada lugar agud masunod ang health protocols sa tion sang eleksyon.
Suno kay Sayno, posible nga ma-post na nila ang lista sang voting precincts sa syudad sa katapusan sang subong nga bulan sang Pebrero.
