ILOILO CITY- Nagsaka pa sa 41 million ka mga Filipino ang may access na sa bangko kag electronic money channels.
Ini santo sa data sang Bangko Sentral ng Pilipinas as of third quarter sang 2021 kag malapit na lang sa target nga 70 percent sang adult population nga yara sa financial inclusion net sa masunod nga tuig.
Suno kay BSP Governor Benjamin Diokno,ang 2020-2023 digital payments transformation road map target ang mahimo nga malab-ot na sa pinakamadali nga panahon.
Pahayag ni Diokno, base sa pagbanta sang BSP, gikan sa 21 million “banked” adults sang 2019, may dugang nga 20 million ang “onboarded” sa formal financial system sa tunga-tunga sang 2020 kag third quarter sang 2021.
Suno kay, Diokno ang pagbanta sang BSP ang gin-base sa increase sa basic deposit kag active e-money accounts.
Dugang sang BSP chief, ang numero sang Filipinos nga may transaction accounts ang nagtubo nga may 3.6 million ka bag-o nga basic deposit accounts nga ginbuksan sa tunga-tunga sang katapusan sang 2019 kag October 2021.
Ang E-money accounts nagtaas man sang 16.8 million sa pareho nga period.
Dugang nga seven million Filipinos ang nagbukas man sang accounts sa state-run Land Bank of the Philippines samtang nagarehistro sang ila national ID.
Ang kabilugan nga 41 million banked adults as of October 2021 nagakahulugan nga 53 percent sang demographic ang may yara na sang transaction accounts.
