Ginpahayag sang Department of the Interior and Local Government (DILG) nga mahimo maka-apply sa Food and Drug Administration (FDA) ang mga tyangge agud nga makakuha sang authorization nga makabaligya sang over-the-counter nga mga bulong.
Suno kay DILG Secretary Eduardo Año, kinahanglan nga makakuha sang license halin sa FDA ang sari-sari stores agud makabaligya sang nonprescription drugs. Magluwas pa ini sa usual business licenses nga gina-isyu sang local governments.
Ang mga sari-sari stores nga nagatuyo nga mangin authorized sellers sang over-the-counter drugs ang kinahanglan magpreparar sang tubtub sa P1,000 para sa initial license nga may one-year validity. Magluwas pa ini sa gasto sa documentary requirements.
Ang renewals naman ang nagabalor sang tubtub sa P2,000.
Ini nga suhestyon ang ginhimo isa ka adlaw matapos ginpanawagan ni Año sa local governments nga magpasar sang ordinansa nga nagadumili sa pagbaligya sang mga tyangge sang bulong.
Ginmanduan man sini ang Philippine National Police nga arestuhon ang violators.
