Magatakop na subong nga adlaw ang 2022 Winter Olympics.
Nahibaluan nga nagsugud sang Pebrero 4 ang Winter Olympics sa Beijing, China.
Naga-isahanon naman ang ginpadala nga atleta sang Pilipinas nga amu ang Filipino Alpine skier nga si Asa Miller.
Si Miller ang naghampang sa men’s giant slalom event sang Pebrero 13 apang gin-register nga DNF ukon “Did not Finish”.
Nagpasakop man ini sa men’s slalom event sang Pebrero 16 kag liwat gin-register bilang DNF.
Gin-ako naman ni Miller nga nadula sini ang iya kumpyansa sa kaugalingon sang napyerde ini sa duha ka kompetisyon.
Apang, nagpasalig si Miller nga magabawi ini sa 2026 winter Olympics nga patigayunon sa Italya.
Proud naman ang mga Pinoy sa nagaisahanon nga tiglawas sang Pilipinas sa 2022 Winter Olympics.
Suno kay Miller, nangin memorable kag masadya ang iya pagrepresentar sang Pilipinas subong nga tuig apisar nga napaslawan ini ng makakuha sang medalya.
Patigayunon naman ang closing ceremony sang 2022 Winter Olympics las 8 subong nga gab-i.
