Opisyal na nga nagtakop ang 2022 Winter Olympics sa Beijing, China matapos ang duha ka semana nga intense kag mainit nga kumpetisyon apisar sang tuman ka lamig nga tyempo.
Isa sa pinaka-ginselebrar sang host country nga China amo ang pag-pierde sa ila nga chief geopolitical rival nga Estados Unidos.
Pangatlo ang China sa overall rank, samtang pang-apat naman ang United States sa amo nga medal count.
Apat ka trending hashtags may kaangtanan sa kadalag-an sang China ang nakaangkon sang 200 million views sa Twitter-like platform nga Weibo.
Gintawag ini nga best-winter finish sang China.
Antes ang Olympiada, napun-an sang political controversies ang China kag ang Estados Unidos ang labing-una nga nag-anunsyo sang diplomatic boycott ukon wala sang ginpadala sang government officials apang may mga atleta lang nga nagtiglawas sa pungsod.
Yari ang mga nagpangibabaw sa amo nga Olympiada:
- Norway – 16 gold, 8 silver, 13 bronze, 37 total
- Germany – 12 gold, 10 silver, 5 bronze, 27 total
- China – 9 gold, 4 silver, 2 bronze, 15 total
- Estados Unidos – 8 gold, 10 silver, 7 bronze, 25 total
- Sweden – 8 gold, 5 silver, 5 bronze, 18 total
- Netherlands – 8 gold, 5 silver, 4 bronze, 17 total
- Austria – 7 gold, 7 silver, 4 bronze, 18 total
- Switzerland – 7 gold, 2 silver, 5 bronze, 14 medals
- Russian Olympic Committee – 6 gold, 12 silver, 14 bronze, 32 total
