ILOILO CITY- Nagapang-alang ang mga sari-sari store owners sa syudad angot sa paggawad sang lisensya sa Food and Drug Administration (FDA) bilang requirement agud makapadayon sa pagbaligya sang over- the- counter nga mga bulong.
Sa interview sang Bombo Radyo kay Punong Brgy. Marites Morga sang North Baluarte, Molo, Iloilo City kag owner sang isa ka tiangge, iya ginpahayag nga magatuman sila bangud ini ang ginamando sang layi.
Apang suno kay Morga, ila man ginakonsiderar nga kun indi man lang makabawi ang ila kita sa bayad sa paggawad sang lisensya, pakamaayuhon nila nga mag-untat na lang sa pagbaligya sang over- the- counter medicine.
Una na nga gin-athag sang Food and Drug Administration mga base sa RA 9711 ukon ang “Food and Drug Administration Act of 2009”, nakasaad ang pagdumili sa mga establishemento nga wala sang ‘license to operate’ nga magbaligya sang mga bulong.
