Patay ang pito ka mga bata kag lima naman ang pilason kasunod sang air strike sang Nigerian army sa Nachadé village sa Maradi, Niger
Suno kay Maradi region Governor Chaibou Aboubacar, apat sa mga biktima nga bata ang dead on the spot samtang tatlo naman ang dead on arrival sa ospital.
Ginapahayag nga bandido nga grupo ang target sang mga suldado sa airstrike.
Una na nga nagpatigayon sang joint military operations ang Niger kag Nigeria batok sa mga armado nga grupo nga amo ang sa likod sang lapnagon nga pagpang-hold-up kag pagpatay sa rehiyon.
Tuig 2018 sang ginpabaskog pa sang militar ang ila pag-patrolya sa border nila sang Nigeria agud mapunggan ang mga armado nga grupo.
