Nagpasalig ang Police Regional Office (PRO) VI nga aktuhan gilayon ang mga reklamo kaangot sa mga sari-sari store nga nagabaligya sang peke nga mga bulong.
Sa interview sang Bombo Radyo kay Police Lt. Col. Arnel Solis, spokesperson sang PRO VI, iya ginpahayag nga obligado ang mga pulis nga i-verify gilayon kag i-validate kun matuod nga nagabaligya sang fake medicines ang ginreklamo nga tyangge ukon drugstore.
Suno sa pulis, bisan wala pa nakapaggwa sang specific guidelines ang central office sang Philippine National Police (PNP) may kaangtanan sa pagbantay sa mga tyangge nga nagabaligya sang mga bulong, nakahanda sila nga aktuhan gilayon ang mga ipalab-ot nga concerns sang pumuluyo kaangot diri.
