Gin-anunsyo sang European Football Associations nga indi na pagdayunon ang 2022 Champions League Final sa St. Petersburg sa Russia.
Ang nasambit nga pinaka-prestihiyoso nga club competition ang sayluhon sa Stade de France sa Paris sa Mayo 28.
Antes ang desisyon sang Executive Committee sang governing body, naka-schedule kuntani ang hampang sa Krestovsky Stadium kag sponsored sang isa ka kumpaniya nga ginapanag-iyahan sang gobyerno sang Russia.
Nagpasalamat man ang organisasyon kay French Republic President Emmanuel Macron sa suporta kag pagbaton sang finals sa ila nga lugar.
Antes ginsapubliko ini nga desisyon, nagpaguwa sang statement ang UEFA nga naga-kondenar sa pagpang-atake sang Russia sa Ukraine.
