Posible nga magsaka ang presyo sang noodles, karne, kag manok sa tunga sang nagakatabo nga kinagamo sa Ukraine, suno kay anay socioeconomic planning secretary Ernesto Pernia.
Ini ang kasunod man sang pagsaka sang presyo sang trigo, nga gina-import pa sang Pilipinas.
Suno kay Pernia, ginagamit man ang trigo sa animal feeds.
“There are many other things that will be disrupted, because trade will be disrupted and as you know we import a lot, we are not sufficient in many things.”
Suno naman kay Presidential Adviser for Entrepreneurship Joey Concepcion, dako ini nga problema bangud posible nga indi masarangan sang publiko ang pagsaka sang presyo sang mga balaklon.
Pahayag niya dako man ini nga rason agud pahalugan anay sang gobyerno ang alert levels agud indi magsarurot ang ekonomiya.
“Ang importante dito, as we open the economy to Alert Level 1, more businesses can resume so at least they can start earning money and better prepare themselves for whatever may happen dito sa giyera na ito.”
Una na ginpahayag sang Department of Trade and Industry (DTI) nga ginatun-an pa nila ang pagsaka sang presyo sang pila ka mga produkto sa merkado.
