Timparano nga na-restore sang More Electric and Power Corporation ukon MORE Power ang linya sang kuryente sa tanan nga feeders sang Molo Substation, kalakip na sa Iloilo City Proper Feeders 3 kag 4 kag porsyon sang City Proper Feeder 1.
Sa interview sang Bombo Radyo kay Ms. Joy Fantilaga, spokesperson sang MORE Power, iya ginpahayag nga nagapadayon pa ang parallel line works sa iban nga area nga nagakonekta sa Lapaz, Jaro kag Mandurriao substation.
Padayon man ang pagpakig-angot sang MORE Power sa National Grid Corporation of the Philippines (NGCP) may kaangtanan sa status sang ginapatigayon nga Preventive Maintenance Services.
Tubtob pa las 6:00 subong nga hapon ang brownout sa pila ka bahin sang syudad sang Iloilo.
