Isa ang Pilipinas sa mga pungsod sa Asya nga ginapanan-aw nga tuman nga maapektuhan bangud sang gulpyada nga pagsaka sa presyo sang gatong kag iban pa nga pagkaon nga gintuga sang ginamo sa Ukraine.
Sandig ini sa report nga ginpaguwa sang global investment firm nga Nomura nga naka-base sa Japan.
Hwebes subong nga semana sang nagsalakay ang Russia sa Ukraine, apang suno sa Nomura, mabatyagan na ang epekto sini sa presyo sang mga pagkaon.
Ini bangud isa ang Russia sa pinakadaku nga producers sang wheat and corn.
Magluwas diri, naapektuhan naman ang presyo sa gatong, abono, kag biofuel substitution.
Ini nga mga epekto ang mabatyagan gid sa bilog nga Asya kun sa diin kalabanan sa mga pungsod ang naga-import sang oil, kag halos katunga gid sang gasto sa market consumption amo ang pagkaon kag energy.
Sa Asya suno sa Nomura, makabig nga ‘biggest losers’ ang India,Thailand, kag Pilipinas.
