Nagdangat sa 1,531 ka myembro kag supporters sang Communist Party of the Philippines-New People’s Army-National Democratic Front (CPP-NPA-NDF) naggikan sa bilog nga Panay, ang nagbalik sa sabak sang gobyerno sang 2021.
Sa interview sang Bombo Radyo kay Capt. Kim Apitong, spokesperson sang 3rd Infantry Division sang Philippine Army, iya ginpahayag nga sa nasambit nga numero, 44 diri ang regular nga myembro sang NPA; 159 ang kabahin sang Militia ng Bayan (MB); 143 ang myembro sang Sangay ng Partido sa Lokalidad (SPL); kag 1,185 ang kabahin sang Underground Mass Organization (UGMO).
120 naman ka high-powered kag low-powered firearms ang gin-surrender sang NPA kag MB surrenderees.
Suno kay Apitong, resulta na ini sang collective effort sang gobyerno sa pagpakigbato batok sa insurhensya indi lamang sa Panay Island kundi mangin sa bilog nga Pilipinas.
