Gina-engganyo sang Department of Energy ang mga motorista nga magpalab-ot sang report angut sa pila ka fuel refilling stations nga nagabaligya sang produktong petrolyo sa tuman ka taas nga presyo.
Suno kay DOE-Oil Industry Management Bureau Director Rino Abad, ang presyo sang diesel sa kabilugan ang yara sa P52 tubtob P65 kada litro, ang gasolina ang yara sa P60 tubtob P83 kada litro, kag ang kerosene naman ang nagabalor sang P61 tubtob P68 kada litro.
Nahibaluan nga siyam na kasunod sunod nga semana ang pagtaas sa presyo sang produktong petrolyo bangud man sa nagapadayon tensyon sa tunga sang Russia kag Ukraine; sa diin ang Russia ang makabig major exporter sang oil sa bilog nga kalibutan.
Ginpasigurado naman sang Economic managers nga ila ginatutukan ang monitoring sa presyo sang mga produktong petrolyo samtang ginapreparahan sang gobyerno ang P2.5 billion nga fuel subsidies para sa drivers sang public utility vehicle (PUV).
