Apisar sang nagapadayon nga pagsaka sa presyo sang produktong petrolyo, gin-anunsyo sang Petro Gazz gasoline station ang ila price rollback sa presyo sang diesel kag gasolina sa sumugod subong nga Marso 10 tubtob Marso 13.
Suno sa Petro Gazz, P5.85 kada litro ang kakason sa presyo sang diesel kag P3.60 naman kada litro sang gasolina sa tanan nila nga gasoline station sa bilog nga pungsod.
Epektibo ang ila price adjustment las 6 subong nga aga sa Marso 10.
Tinutuyo sang price rollback suno sa Petro Gazz amu nga mahagan hagan ang impact sa mga motorista sa ginalantaw dugang pa gid nga pagsaka sa presyo sang gatong sa masunod nga semana.
Nahibaluan nga subong lang nga martes ginpatuman ang P5.85 per liter na saka sa presyo sang diesel, kag P3.60 per liter sa gasolina.
Ang presyo sang diesel, ang posible nga madugangan sang P12.72 per liter samtang P8.28 per liter naman sa gasolina sa masunod nga semana.
Ang nagapadayon nga kinagamo sa Ukraine kag Russia ang isa sa mga makabig rason sa pagtaas sa presyo sang krudo sa world market.
Sa Iloilo City makit-an sa Circumferencial Road saTagbak, Jaro, ang gasoline station sang Petro Gazz.
Pila naman ka mga banwa sa Probinsya ang may Petro Gazz kaangay nalang sa banwa sang Leganes, San Miguel.
