ILOILLO – Ginbalik ni Iloilo Governor Arthur Defensor Jr. ang pagpanginbulahan sa mga pumuluyo kag mga opisyales sang probinsya matapos nga nangin kabahin sang top performing officials sa pungsod.
Sa ginpatigayon nga survey sang RP- Mission and Development Foundation Incorporated, isa ka non-commissioned kag non-partisan group, yara sa top 4 ang gobernador nga nakakuha sang 72% nga rating.
Sa interview sang Bombo Radyo Iloilo sa gobernador, iya ginpahayag nga ang performance job rating ang resulta sang pagbinuligay sang mga opisyales sang probinsya.
Samtang, ginkakibot naman ni Iloilo City Mayor Jerry Treñas ang pagkalakip sa iya sa top 5.
Ang alkalde ang nakakuha sang top 4 spot kag 81% nga rating.
Ginpasalamatan sini ang mga pumuluyo sang syudad kag ang iya pamilya.
