Gin-athag sang aktor nga si Diego Loyzaga nga wala sila nagbalikanay sang iya ex-girlfriend nga si Barbie Imperial.
Una diri may mga espekulasyon nga nag-reconcile ang duha matapos nakit-an nga magkaupod nga nagakaon sa Pasig City.
Suno naman sa aktor, ‘friends in talking terms’ sila ni Barbie.
Ginpahayag man sini nga wala sila sang bad breakup — baliskad sa naglapta nga istorya sang bulan sang Pebrero.
Sa pamangkot kun posible ayhan ang reconciliation sa aktres, ginpahayag ni Diego nga depende pa ini sa ila nga mabatyagan.
