Makabaton sang P3,000 nga fuel subsidy ang mga mangunguma kag manugpangisda bangud man sa epekto sang nagapadayon nga pagsaka sa presyo sang produktong petrolyo sa ila nga pangabuhian.
Suno kay Department of Agriculture (DA) Assistant Secretary Arnel de Mesa, nakig-angot na ang ahensya sa Development Bank of the Philippines (DBP) para sa pagpanagtag sang cash cards nga amo ang gamiton sang mga benepisyaryo.
Dugang pa ni De Mesa, magluwas sa P500 million nga pondo para sa subsidy, P600 million pa ang gindugang sa pondo sang fuel subsidy para sa agricultural works.
Sa P500-million nga pondo, 160,000 ka mga mangunguma kag manugpangisda ang makabenepisyo.
Ginalantaw man nga dugang pa nga P3,000 ang ipanagtag sa second tranche sang subsidy sa Abril.
