Ginpasigurado sang Malacañang nga ginapamatian ni Presidente Rodrigo Duterte ang tanan nga suhestyon agud mapahagan-hagan ang epekto sang pagtimbuok sa presyo sang gatong.
Suno kay acting presidential spokesperson Martin Andanar, lakip sa mga suhestyon amo ang pagsuspende sang excise taxes sa produktong petrolyo kag deklarasyon sang state of economic emergency.
Pila naman ka mga mamalidha suno sa natungdan ang nagpahayag sang suporta sa suspensyon sang excise taxes sa produktong petrolyo agud mahagan-hagan ang epekto sang pagtimbuok sang presyo sang gatong sa tunga sang nagalala nga tensyon sa tunga sang Russia kag Ukraine.
Samtang, ginbasura naman sang Department of Budget and Management (DBM), ang proposal sa diin nagpaandam ini sa mangin epekto sa pagpondo sa social services.
Nagakadapat suno kay Andanar nga tu-an sangh maayo ang proposal agud indi man maapektuhan ang social services sang nagkalain-lain nga ahensya sang gobyerno.
Sa pagdeklarar naman sang state of economic emergency, ginpahayag ni Andarar nga nagahulat na lang ang presidente sang rekomendasyon sang Department of Finance.
“The President will have to wait for the recommendation of the Department of Finance, of the economic cluster, kung kailangan ba yung state of economic emergency,” pahayag ni Andanar.
