ILOILO CITY – Nagpaandam sa publiko ang West Visayas State University (WVSU) batuk sa isa ka indibidwal nga nagpakunu-kuno nga estudyante sang College of Medicine sang nasambit nga eskwelahan.
Ang isa ka indibidwal ang nagpakilala nga nagakuha siya sang Doctor of Medicine kag nagapangayo sang bulig sang publiko pinaagi sa pagbaligya sang pagkaon.
Sa interview sang Bombo Radyo kay Dr. Joselito Villaruz, presidente sang West Visayas State University, iya ginpahayag nga nakalab-ot na sa igtalupangod sang Medical Student Council kag nagpagwa na sang advisory.
