ILOILO CITY – Mahimo na nga makabaton sang 2nd dose sang COVID-19 vaccine ang mga kabataan nga naga-edad 5-11 anyos matapos nga nag-abot ang re-formulated nga PFizer vaccines sa probinsya sang Iloilo.
Nakabaton ang probinsya sang 25, 000 doses sang bakuna kag nakatigana ini para sa 2nd dose sang sang mga kabataan kag ang nabilin ang i-administer bilang 1st dose.
Sa interview sang Bombo Radyo kay Dr. Ma. Socorro Quiñon, head sang Iloilo Provincial Health Office, iya ginpahayag nga may yara sang naka-schedule nga bakunahan sang 2nd dose sang nagligad nga semana apang wala sang available nga bakuna.
Dugang pa ni Quiñon, ang probinsya ang nakatigayon nga makabakuna sang 1st dose sa 20, 449 ka mga kabataan.
Nagpanawagan naman si Quiñon sa mga ginikanan nga pabakunahan na ang ila mga kabataan.
