ILOILO CITY – Nagpanawagan ang Iloilo Provincial Health Office sa mga senior citizen sa probinsya nga magpabakuna na batuk sa COVID-19.
Santo sa data sang ahensya, may yara na sang 155, 253 ka mga senior citizen ang nakabaton sang 1st dose sang COVID-19 vaccine samtang 147, 217 naman ang fully vaccinated.
Sa interview sang Bombo Radyo kay Iloilo Provincial Health Office head Dr. Ma. Socorro Quiñon, iya ginpahayag nga dapat indi na magpamati sang istorya sa iban nga wala sang basehan.
Suno kay Quiñon, masobra na sa 1.2 million ka mga Ilonggo ang natigayon na nga mabakunahan kun sa diin, 1, 096, 567 diri ang fully vaccinated.
Dugang pa ni Quiñon, ang data ang nagapakita nga kalabanan sang mga nagkalamatay bangud sa COVID-19 ang wala nabakunahan.
