Nagagamit na gid lamang sang kahoy ang pila ka mga karinderya sa syudad bangud sa nagataas nga presyo sang liquefied petroleum gas (LPG).
Subong nga semana, naglab-ot na sa P1, 136 ang isa ka tangke nga nagabug-at sang 11 ka kilo.
Sang nagligad nga tuig, naglab-ot sa P1, 049 ang balor sang LPG kag sang 2019, yara gid lamang sa P963 ang isa ka tangke sang LPG.
Sa interview sang Bombo Radyo kay Tessie Cervas, tag-iya sang karinderya, iya ginpahayag nga kun maggamit sila sang LPG, tama ka nubo ang ila nga ginansya.
Sang una, sa isa ka adlaw, naglab-ot sa halos tatlo ka libo ang makita nila apang kung maggamit sila sang LPG, isa nalang ka libo ang iya nga makita.
Bangud sini, nagagamit nalang sang kahoy si Cervas sa iya pagluto.
Nagapanawagan si Cervas sa gobyerno nga kun mahimo panubunubu-an ang presyo sang LPG.
