ILOILO CITY – Indi maayo ang management sang National Inter-Agency Task Force (IATF) sa COVID-19 response sang pungsod.
Ini ang pahayag ni Iloilo City Mayor Jerry Treñas sang ginpamangkot sa iya mahamabal sa IATF.
Sa interview sang Bombo Radyo sa alkalde, iya ginpahayag nga indi klaro sa IATF kun bala may yara sang bakuna nga ihatag rason nga ang mga local government units kag mangin ang mga pribado nga mga kompaniya ang nagbakal man sang bakuna.
Dugang pa sang alkalde, diri sa syudad sang Iloilo, madamo sang mga pribado nga kompaniya ang nagahatag sang bakuna sa syudad kag may yara sang nagahatag man sang kwarta.
Ang kwarta suno sa alkalde ang gina-forward sa Philippine Chamber of Commerce and Industry of Iloilo (PCCII) kag may yara pa sang inug-deliver para sa syudad.
Pahayag dugang sang alkalde, ang mga tawo ang nagapili man sang bakuna nga may yara sang mataas nga kalidad.
Samtang, ang syudad sang Iloilo ang ginkilala bilang ‘Best Performing LGU/ Highly Urbanized City with 100% Submission of Vaccination Line List’.
As of March 14, 2022, naglab-ot na sa 1,063,895 doses sang COVID-19 vaccines ang natigayon nga ma-administer sang syudad.
Ginpasalamatan naman sang alkalde ang tanan nga nagbulig agud nga malab-ot ang nasambit nga data.
