ILOILO CITY – Suportado ni Iloilo City mayor Jerry Treñas ang mga drivers sa syudad nga nag untat sang byahe bangud sang nagataas nga presyo sang gatong.
Sa interview sang Bombo Radyo kay Treñas, iya ginpahayag nga handa siya nga maghatag sang bugas kag canned goods para sa mga nag untat sang byahe.
Samtang, gintawag naman ni Treñas nga uyaya ang national goverment bangud tubtob subong, wala sa gihapon sang nag-abot nga ayuda para sa mga drivers.
Dugang pa sang alkalde, ang mga local government units ang madasig sa paghatag sang ano man nga ayuda.
Ginhalimbawa man sang alkalde ang isyu sa Philhealth kun sa diin, nakapamuyayaw pa ang alkalde.
