ILOILO CITY – Ginalauman sang syudad sang Iloilo nga mas madamo pa nga mga opurtunidad ang maabot kadungan sang pagpatigayon sang filming sang Netflix mini-series nga “A Love to Kill” sa pila ka bahin sang syudad kag probinsya sang Iloilo.
Sa interview sang Bombo Radyo kay Junel Divinagracia, head sang Iloilo City Tourism Office, iya ginpahayag nga ma-boost ang ekonomiya sang syudad kung makita na sang kadam-an ang katahom sang syudad.
Suno kay Divinagracia, madamo sang historical sites kag modern infrastructure ang mangin kabahin sang location sang nasambit nga mini-series.
Masobra sa 80 ang crew sang nasambit nga production gani, dako man ang nabulig sa pila ka sector sang ekonomiya sa syudad.
Ginpasigurado naman sang Iloilo City Tourism Office nga ang tanan nga ang tanan nga kinahanglan sang bilog nga production crew ang mahatag sang syudad.
Kabahin sang casting sang nasambit nga mini-series sanday hunk actor kag action star Ian Veneracion, sexy actress nga si Andrea Torres, hunk actor nga si Aljur Abrenica, Ilonggo actor nga si Joel Torre, Miss Grand International 2016 1st Runner-Up Nicole Cordoves, aktor nga si Pepe Herrera, Justin Cuyunan kag ginapahayag nga mangin kabahin man sang casting ang Ilongga beauty queen nga si Miss Universe Philippines 2020 Rabiya Mateo.
