Nagpasalig si weightlifting gold medalist Hidilyn Diaz nga siya liwat ang makakuha sang bulawan nga medalya sa iya ginapreparahan nga apat ka major competitions subong nga tuig.
Suno kay Hidilyn, iya ginapreparahan nga magpasakop sa Southeast Asian ((SEA) Games sa Mayo, ang Asian Games sa Septyembre, Weightlifting World Championships sa Oktubre, kag ang Asian Weightlifting Championships sa Disyembre sa Manila.
Tuyo ni Hidilyn nga mapasaka ang iya body weight sa 59-kg event ang para sa World Championships bangud ini ang magaserbe bilang iya qualifiers para sa 2024 Paris Olympics.
Ang amo nga olympiada ang wala sang 55-kg event weight class nga amo ang gindag-an niya.
Nagpasalamat man si Hidilyn bilang three-time Philippine Sportswriters Association (PSA) Athlete of the Year awardee.
Gin-engganyo man sang first ever gold medalist sang Pilipinas ang iban pa nga mga atleta nga padayunon ang ila mga handom tubtob nga ila malab-ot ang kadalag-an.
