ILOILO CITY – Bangud sang epekto sang summer kag post-pandemic demand, ma-eksperyensyahan sang kunsumidor sang MORE Electric and Power Corporation ang mga unwanted reclosing sang mga feeders.
Humalin kagab-i, nagapatay-sindi ang kuryente sa pila ka bahin sang franchise area sang More Power.
Sa interview sang Bombo Radyo kay Joy Fantilaga, spokerperson sang MORE Electric and Power Corporation, iya ginpahayag nga nagataas ang load sang kuryente gani kinahanglan ang adjustment sa ila protection setting agud nga malikawan ang overloading.
Apang, suno kay Fantilaga, may yara sang automatic circuit recloser (ACR) nga gin-install sa mga feeder lines.
Bangud sini, malikawan ang mas malawig nga brownout.
Samtang, nagpangayo sang dispensa ang MORE Electric and Power Corporation sa indi estable nga suplay sang kuryente kag ginatun-an na sang technical team.
Gin-refer naman ni Fantilaga sa technical team ang pagsabat sa pamangkot kun bala delikado sa mga appliances ang pagpatay-sindi sang kuryente.
