ILOILO CITY – Maga-atubangay sa semifinals sang PBA Governors Cup ang Magnolia Hotshots kag Meralco Bolts.
Ini matapos man nga gintambakan sang Magnolia Hotshots ang Phoenix Super LPG sa score nga 127-88 sa quarterfinals sang Liga.
Naglab-ot pa sa 45 points ang abanse sang Hotshots sa second half sang hampang.
Ang kadalag-an sang Hotshots ang ginpangunahan ni Paul Lee nga may 25 points kag anum ka rebounds samtang may yara man sang double digit points sanday Mike Harris, Mark Barroca, Jio Jalalon, Ian Sangalang kag Rome Dela Rosa.
Samtang, ginlutos man sang Meralco ang San Miguel Beermen sa score nga 100-85.
Ini ang una nga bes nga nakasulod ang Bolts sa semifinals sang PBA Governors Cup.
Nagpanguna si Chris Newsome nga may yara sang 22 points samtang may 7 points si Reynel Hugnatan kag 8 points naman si Raymond Almazan.
