ILOILO CITY – Napaslawan ang Alaska Aces nga makuha ang 15th PBA title matapos nga nalutos sa pinakaulihi nga hampang sa Philippine Basketball Association (PBA).
Sang Pebrero, gin-anunsiyo sang team owner nga si Fred Uytengsu nga ini na nga conference ang katapusan nga pasakupan sang team bangud tapuson na nila ang 35-season run sa PBA.
Sa quarterfinals sang 2021 PBA Governors’ Cup, ginlutos sang NLEX Road Warriors ang Alaska Aces sa score nga 96-80.
Ang Alaska Aces ang nagpasakop sa PBA sang 1986 kag may yara sang 14 ka mga championship titles lakip na ang Grand Slam sang 1996 season.
Tinutuyo sang Aces nga makuha kun tani ang 15th PBA title apang napaslawan ang mga ini.
Sang 2013 ang pinakaulihi nga championship trophy nga nakuha sang Aces.
Indi pa mapat-ud subong kun may yara sang may makuha sang franchise sang Alaska Aces apang may yara na sang tatlo ka mga firms nga nagpahayag sang interes.
Kun indi madayon ang pagbaligya, ang franchise sang Alaska Aces ang mabalik sa PBA.
