Posible nga mangin solusyon sang kakulang sa suplay sang galunggong ukon tamudyos ang experiment breed nga ginpatigayon sang pila ka mga researchers sa Southern Iloilo.
Sa interview sang Bombo Radyo kay Ma. Irene Legaspi, associate researcher, Breading Section sang Southeast Asian Fisheries Development Center-Aquaculture Department (SEAFDEC/AQD), iya ginpahayag nga ang ila first experiment attempt ang nangin madinalag-on.
Ang tamudyos ang makabig pinakabarato nga isda kag ginakonsiderar nga poor man’s fish.
Apang, bangud sa kakulang sang suplay, ginduso sang Department of Agriculture (DA) nga i-improve ang importation sang isda sa pungsod.
Sa pinakaulihi nga scientific breakthrough experiment, ginalantaw nga posible ang local production sang tamudyos.
Suno kay Legaspi, ila na ginsuguran ang pagkolekta sang live galunggong sa bahin sang southern Iloilo kag sa probinsya sang Antique sang 2020.
Base sa pagtuon, ang tamudyos ang mahimo nga magdako sa sulod lang sang 50 ka adlaw.
