Naka-guwa sa presuhan ang aktor nga si Kit Thompson matapos nga nakapyansa.
Matandaan nga gin-aresto ang aktor sang Byernes, Marso 18, bangud sang gina-alegar pagkastigo sini kag pag-detain sa iya nga nobya nga si Ana Jalandoni.
Sandig sa latest information halin sa Tagaytay City Police Station, temporaryo nga ginhilway si Kit kahapon sang hapon.
Byernes sang nabaton ang report nga ginasakit ni Kit ang iya girlfriend sa isa ka hotel room sa Tagaytay City, kag kun matandaan, Sabado sang nag-file ang mga pulis sang complaint batok kay Kit bangud sa paglapas sa section 5 sang Republic Act 9262 ukon ang Anti-Violence against Women and Children Act.
Suno naman sa abogado ni Jalandoni, determinado ang aktres nga padayunon ang kaso bangud sang injuries nga iya naangkon lakip na ang isa ka samad nga nag-apekto gid sa iya nga panan-awan.
Sa social media, gin-delete ni Ana ang tanan nga pictures ni Kit. Gin-unfollow man sini ang aktor.
Gin-delete man ni Kit ang tanan nga pictures ni Ana.
