Sa labing-una nga tion matapos ang 11 ka asud-asud nga semana, nagnubo na gid man ang presyo sang produktong petrolyo.
Epektibo ‘las sais subong nga aga ang price rollback.
Atensyon sa aton nga mga motorista!
Yari na ang buhin sa presyo sang mga masunod nga prudukto:
Gasolina – nabuhinan sang P5.45 ang presyo kada litro
Kerosene – nabuhinan sang P8.55 ang presyo kada litro
Diesel – nabuhinan sang P11.45 ang presyo kada litro
Ginpatigayon ini nga rollback isa ka semana matapos nga ginpatuman man ang pinakamataas nga price hike sa presyo sang gasolina, diesel, kag kerosene.
Apisar sini nga rollback, indi pa gihapon ini bastante agud nga makagulugihanhawa man ang publiko bangud sang 11 gid ka semana nga pagtaas sa presyo sang gatong.
Kun basehan ang latest data sang Department of Energy, yari ang ginsaka sa presyo sang produktong petrolyo halin sang una nga semana sang Enero 2022 tubtub subong:
Sa gasolina – P20.35 kada litro
Sa diesel – P30.65 kada litro
Sa kerosene- P24.90 kada litro
