ILOILO CITY – Ginapaligban subong kun sa diin na nagkadto ang biktima sang hold up incident sa Brgy. San Juan, Molo kagab-i.
Ang biktima amo si Alyas Pinky kag ginatawag sang iya iloy nga si Lilo, residente sang Zone 5, Brgy. Boulevard, Molo.
Sa interview sang Bombo Radyo kay Ninfa Suplico, nanay sang biktima, iya ginpahayag nga ginlibot na niya ang tanan nga masami ginakadtuan ni Lilo apang indi niya makita.
Suno sa panaysayon ni Suplico, naglisensya si Lilo nga maggwa apang wala na nakabalik sang gab-i.
Pahayag dugang ni Suplico, nag inom-inom si Lilo upod ang mga abyan sini kag gin-abisuhan nga mapuli na apang naggwa kag may gintabo nga isa ka 16 anyos nga lalaki.
Ginpahayag dugang ni Suplico nga nagpangayo sang sigarilyo ang 16 anyos nga lalaki kay Lilo kag ginhatagan niya ini sang kwarta.
Paggwa ni Lilo, didto na kag nagdeklarar sang hold up ang apat tanan ka lalaki.
Sa subong, nagalibog ang ulo ni Suplico kun sa diin na si Lilo bangud wala man ini sang may ginhambal sa iya antes naglakat.
Si Lilo ang naga-rebond kag naga gunting sang buhok.
