Ginkasal na ang aktres nga si Erich Gonzales sa iya long-time boyfriend kag businessman nga si Mateo Lorenzo.
Ginpatigayon ang ila nga kasal sa St. James the Great Parish sa Alabang, Muntinlupa City.
Sa isa ka laragway, makita nga nakasuksok sang Barong Tagalog si Mateo.
Nahibaluan nga tuman ka masikreto si Erich sa paghatag sang detalye sa ila nga relasyon.
Apang, sang Pebrero 19 nauna na nga naglapta ang wedding banns ukon anunsiyo sa Simbahang Katoliko ang kasal sang couple.
Nakita sa wedding banns nila nga Marso 23 ang petsa sang kasal.
Marso 2018 sang gin-ako ni Erich nga may yara ini sang gina-date nga mystery guy, kag Hulyo tuig 2018 sang iya ginpakilala ang iya nga boyfriend.
Si Mateo Lorenzo ang kilala nga businessman sa pungsod kag myembro man sang pamilya nga amo mga sikat nga negosyante.
