ILOILO CITY – Naglab-ot na sa kapin 50% ang nahuman sa Jalaur River Multi-Purpose Project II sa Calinog, Iloilo.
Sa interview sang Bombo Radyo kay General Ricardo Visaya, administrator sang National Irrigation Administration, iya ginpahayag nga 47% na nga natapos ang construction sang nasambit nga proyekto.
Suno kay Visaya, target sang ahensya nga mangin operational na ang proyekto sa pagtakop sang tuig 2023.
Ginpahayag dugang sang natungdan nga wala sang delay nga natabo kundi extension gid lamang kasunod sang makatatlo ka bes nga lockdown sang construction site bangud sang COVID-19 infection sa mga trabahante.
Ang P11. 2B Jalaur River Multi-Purpose Project II ang pinakauna nga large-scale water reservoir sa Visayas kag Mindanao.
Ini ang makahatag sang manami nga irigasyon, dako nga suplay sang tubig lakip na ang hydroelectric power kag eco-tourism.
Ang Groundbreaking and Capsule-Laying Ceremony ang ginpatigayon sang tuig 2019.
