ILOILO – Pangunahan ni Pope Francis ang consecration to the Immaculate Heart of Mary sa Russia and Ukraine bwas, Marso 25, las-5:00 sa hapon sa Vatican City kadungan sang Celebration of Penance.
Ini ang kasunod man sang panawagan sang Latin Rite Catholic Bishops sa Ukraine kay Pope Francis nga i-consecrate ang Ukraine kag Russia to the Immaculate Heart of Mary bangud sang padayon nga kinagamo sa lugar.
Kung madumduman, Marso 25, 1984 sang ginpanguhan man ni Pope John Paul II ang consecration sang Russia and the world to the Immaculate Heart of Mary nga amo man ang Solemnity of the Annunciation of the Lord.
Sa interview sang Bombo Radyo kay Rev. Fr. Joenick Territorio, parish priest sang Nuestra Señora de La Paz y Buen Viaje kag chancellor sang Archdiocese of Jaro, iya ginpahayag nga bilang pag-upod sa panawagan sang Vatican, may yara sang patigayunon nga consecration prayer sa tanan nga dioceses kag parishes.
Ang consecration prayer ang ilakip sa scheduled mass sang mga parokya samtang mahimo man nga mag-download sang consecratory prayer sa internet.
Sa La Paz Parish church, ang consecration prayer ang patigayunon kadungan sang las-6:00 sa aga nga misa samtang si Jaro Archbishop Jose Romeo Lazo, DD ang manguna sang consecration prayer sa Tanza Parish Church kadungan sang iya las-9:00 sa aga nga misa.
