ILOILO CITY – Gin-ako sang Iloilo City Police Office nga mabudlay ipatuman ang minimun health protocols sa ginapatigayon nga mga campaign activities.
Sa interview sang Bombo Radyo kay Pol. Col. Leo Batiles, director sang ICPO, iya ginpahayag nga indi gid malikawan nga magginutok ang tawo kag indi na matuman ang physical distancing.
Apang, ginpasigurado ni Batiles nga ang tanan nga mga supporters ang nagasuksok sang face mask kag ang mga pulis ang nagabantay man.
May iga-deploy nga personnel ang ICPO sa tanan nga campaign activities sa syudad apisar nga wala sang request sa ila.
Samtang, sa assessment sang ICPO, wala sang may na-record nga election related incidents sa syudad humalin sang nagsugod ang kampanya.
