ILOILO CITY – Gin-eksplekar sang isa ka clinical geneticist ang down syndrome nga naga-apekto sa physical kag mental development delays kag disabilities.
Sa interview sang Bombo Radyo sa isa ka clinical geneticist nga si Dr. Suzzane Marie Barrera, iya ginpahayag nga ang ini nga condition ang nagakatabo kun masobra ang na-develop nga chromosomes sa tion sang reproduction.
Ang down syndrome ang mahimo ma-detect sa ultrasound kag sa iban pagid nga mga tests kag ang iban ang matukiban na lamang sa tion nga mabun-ag na ang bata.
Ang pila sa mga physical features nga nagapakita nga may yara sang nasambit nga kondisyon ang bata amo ang masunod; nagapasaka ang mata, dapa ang ilong, dako ang dila, gamay ang dalunggan kag ulo, magamay ang lawas para sa edad kag magamay man ang tiil kag kamot.
Ang pila ka epekto sini nga kondisyon amo ang impulsive nga batasan sang bata, mahina nga judgment, manubo nga attention span kag mahina nga learning capabilities.
May yara man ini nga epekto sa medical condition sang bata.
Ini ang ginalakipan sang congenital heart disease, pagkabungol, malabo nga mata, leukemia, chronic constipation, dementia, obesity indi maayo nga development sang unto kag Alzheimer’s disease sa tion nga magdako na ang mga ini.
Samtang, yari naman ang mga exercises nga mahimo ma-apply sa mga kabataan nga may down syndrome; pag-enhance sa sensory, socila, self-help, motor skills kag language kag cognitive abilities.
