Bilang isa ka pageant-crazy country, kilala ang Pilipinas sa pagpatigayon sang prestihiyoso nga beauty pageants kag subong nga tuig, ‘brace yourself’ suno sa Miss Universe Philippines Organization bangud ini posible ang biggest Miss Universe Philippines pageant… just yet.
Suno kay MUPh National Director Shamcey Supsup-Lee, madamo pa sang pasabog nga paguwaon ang Miss Universe Philippines 2022.
Bilang isa man ka Miss Universe placer, ginpahayag ni Shamcey nga kuntento gid siya sa crop of candidates sa pageant subong nga tuig.
Sandig sa ulihi nga anunsyo sang organisasyon, tatlo ka past Miss Universe winners ang maga-host sa grand pageant sa Abril 30 sa MOA Arena. Ini amo sanday Miss Universe 2015, Pia Wurtzbach nga bugal gid sang Pilipinas, 2016 queen Iris Mittenaere sang France kag 2017 winner Demi Leigh Peters-Tebow sang South Africa.
Kun basehan naman ang latest statements sang MUO, ginalantaw nga isa ang Pilipinas sa posible nga nalakip sa travel itinerary ni current Miss Universe titleholder Harnaaz Sandhu sang India.
Kun matabo kag kun mag-fit sa schedule, excited ang mga fans bangud posible nga apat ka universal queens ang makit-an kun koronahan na ang MUPh 2022.##(with reports from Manila Bulletin)
