ILOILO CITY – Ginaproseso pa sang City Social Welfare and Development Office (CSWDO) ang financial assistance para sa mga naapektuhan sang sunog sa Bgry. Tanza Timawa Zone II sang nagligad nga Marso 25,.
Sa natabo nga sunog, 22 ka balay ang totally damaged samtang 23 naman ang partially damaged.
Sa interview sang Bombo Radyo kay Teresa Gelogo, head sang CSWDO, iya ginpahayag nga indi pa ka hatag sang assistance ang syudad bangud nagpangayo pa sang exemption sa banning sang Commission on Elections.
Sa kinaandan, nagahatag sang P10, 000 ang syudad sa totally damaged nga balay samtang P7, 000 sa partially damaged.
Dugang pa ni Gelogo, ang mga nasunugan ang yara sa gihapon sa mga evacuation center kag indi pag i-relocate.
Suno kay Gelogo, ang iban sa mga pamilya ang nagsugod na sa pagpaninlo sa ila balay nga nasunugan.
