ILOILO CITY- Nagagwa sa pagtuon nga ang pagtinir sa dulom nagapasanyog sang function sang immune systems.
Nadiskubrehan sang mga scientists nga sa tion lamang nga tuman ang kadulom nga ang lawas sarang mag- produce sang hormone nga ginatawag nga melatonin.
Suno kay Joan Roberts, isa ka photo biologist,ang Melatonin nagabato sa balatian lakip na ang breast kag prostate cancer bangud ginatapna sini ang pagtubo sang cancer cells.
Pahayag niya, kun bisan gamay lang nga suga sa gab-i kun ikaw ang magtulog, nagauntat ang melatonin production.
Paathag ni Roberts, mahimo nga ini ang natural nga pamaagi nga ginhatag sang Mother Nature sa aton bangud kun mapuslanon ang kasanag, mapuslanon man ang kadulom ilabi na sa pagbato sa cancer.
