ILOILO CITY – Ginalantaw nga overloading sa kuryente ang gintuna-an sang sunog sa Brgy. Tanza, Timawa Zone II.
Sa nasambit nga sunog, 22 ang totally damaged nga balay samtang 23 naman ang partially damaged.
Sa interview sang Bombo Radyo kay Fire Chief Inspector Publio Ploteña, Iloilo City Fire Marshall, iya ginpahayag nga ang overloading sa kuryente nga nagresulta sa short circuit ang gintuna-an sang sunog.
Apang suno kay Ploteña, nagpadala pa sila sang sample sang debris sa national headquarters sang Bureau of Fire Protection (BFP) agud makumpirma kun bala kuryente gid man ang gintuna-an sang sunog.
Kasunod sang asud-asud nga sunog sa syudad, nagpanugyan si Ploteña sa publiko nga maghalong batuk sa sunog.
Nagapadayon man ang mga programa sang ahensya agud nga mabuligan nga malikawan ang sunog.
