ILOILO CITY – Indi pa sigurado ang mga tricycle drivers sa syudad kun bala may yara man sila sang may mabaton nga ayuda kadungan sang nagataas nga presyo sang gatong.
Sa interview sang Bombo Radyo kay Victorino Porras, myembro sang Baldoza, Ingore, Alangan Tricycle Owners and Driver’s Association (BATODA), iya ginpahayag nga nakapasa na sila sang listahan sang ila pangalan apang tubtob subong, wala pa sila sa gihapon sang ihibalo kun may yara sila sang ayuda kag kun pila ang ihatag sa ila.
Dugang pa ni Porras, sa padayon nga nagasaka nga presyo sang gatong, dako ang mabulig sang ayuda sa ila.
Una na nga ginpahayag ni Mr. Jeck Conlu, head sang Public Safety and Transportation Management Office (PSTMO) nga napasa na sang syudad ang listahan sang mga tricycle drivers apang indi siya sigurado kun pila gid man ang ayuda para sa ila.
