Nag-react ang aktor nga si Kit Thompson sa blind item sang self-proclaimed Pambansang Marites nga si Xian Gaza.
Ini ang una nga social media activity ni Thompson matapos ang kontrobersiya nga pagkastigo sini sa iya girlfriend nga si Ana Jalandoni.
Ang blind item ni Gaza ang nahanungod sa isa ka babayi nga ginapahayag ginbayaran sang Chinese national sang P250,000 agud nga mag-upod sa iya sa Amanpulo, Palawan.
Suno kay Gaza, nabal-an sang boyfriend sang babayi ang iya nga ginhimo, kag natapos ang blind item sa isa ka cliffhanger.
Marso 19 pa gin-post ni Xian ang amo nga item, isa ka adlaw matapos ang beating incident.
Gin-share ini ni Thompson sang Marso 29, kag ginpahayag nga untatan na ang pagpalapta sang sala nga impormasyon.
Kun balik-balikan ang statement ni Jalandoni, gin-alegar sini nga indi ini ang una nga bes nga ginsakit siya sang iya nga boyfriend.
