Indi magnubo sa lima ang mga persons of interest nga nagluthang patay sa 50 anyos nga naga-pautang sa Ungka II, Pavia, Iloilo.
Ang biktima amo si Lodovina Frange, 50 anyos kag residente sang Brgy. Ungka I, Pavia, Iloilo.
Sa interview sang Bombo Pol. Maj. Rolando Araño, hepe sang Pavia Municipal Police Station, iya ginpahayag nga ang ginatutokan sa imbestigasyon amo ang nature sang trabaho sang biktima kag ang iban pa nga transactions sini magluwas sa pagpa-utang.
Suno kay Araño, indi pa madeterminar ang pat-ud nga motibo sang krimen.
Nagapadayon pa suno sa iya ang ila pagkuha sang dugang pa nga mga ebdidensya nga makabulig sa ila nga imbestigasyon.
Nag-apelar man ini sa publiko nga kun may nahibaluan nga impormasyon angut sa suspek nga indi magduha-duha nga magpadulong sa Pavia Municipal Police Station.
