ILOILO CITY- Desidido na gid nga magpasaka sang kaso ang 68-anyos nga tigulang batok sa 19-anyos nga naghimulos sa iya sa Anilao, Iloilo.
Sa interview sang Bombo Radyo kay PEMS Ruby Hubo, chief sang Women and Children’s Protection Desk (WCPD) sang Anilao Municipal Police Station, iya ginpahayag nga bwas, Abril 6 natalana nga i-file ang kaso nga rape.
Suno kay Hubo, antes ang pagpadulong sa Iloilo Hall of Justice buwas, magabalik pa sa ospital ang tigulang para sa iya final check-up.
Matandaan nga matapos ginhimuslan, nakaeksperyensiya sang tuman nga bleeding ang biktima.
Nagapabilin naman nga at-large ang suspek.
