ILOILO CITY- Mahilig ka bala mag-inom sang fresh juice? Kada san-o ikaw nagainom sini?
Siling sang eksperto, mas maayo ini nga inumon kun wala pa unod ang imo tiyan sa aga.
Suno kay Katherine Zeratsky, isa ka registered dietician, kun wala unod ang tiyan, mas epektibo ang pag-absorb sang vitamins kag nutrients halin sa juice.
Agud mapataas ang nutritional effectiveness sang juice, dapat amat-amaton lang ang pag-inom sini kag indi pagturuson gilayon bangud magaresulta ini sa bloating.
Kun inumon mo ini pila ka beses kada adlaw, siguraduhon nga himuon mo ini at least 20 minutes antes ukon duha ka oras pagkatapos magkaon.
