ILOILO CITY – Wala na ginpasugtan pa sang Barangay Ginebra nga magdangat pa sa duha ang abanse sang Mercalto Bolts sa standing sa finals sang PBA Governors’ Cup matapos nga ginlutos ini sa 2nd game sa score nga 99-93.
Nangin lyabe sang kadalag-an sang Gins King si Justin Brownlee bangud sa triple-double nga 36 points, 13 rebounds, 9 assists, 2 blocks kag 1 steal agud nga mapatas sa 1-1 ang best-of-seven championship duel.
Si Scottie Thompson ang nag-amot man sang 16 points kag 11 rebounds samtang 11 rebounds naman kay Christian Standhardinger, 13 points kay LA Tenorio kag 10 points kay Nards Pinto.
Nauyang naman ang 31 points kag 13 rebounds ni Tony Bishop kag subong man ang 24 points career high ni Aaron Black.
Samtang ang game one hero nga si Allein Maliksi ang wala sang score sa amo nga match.
Ang game 3 ang patigayunon sa Domingo.
